Cabuxo asado con patacas
Ingredientes: (para 6 persoas)
1 cabuxo
4kg. de patacas
3 cebolas
1 limón
1 cabeza de allo
viño branco
azafrán
aceite
manteca de porco
sal
Preparación:
Tallamo-lo cabuxo, unha vez limpo, e deixámolo durante 24 horas en adubo cos dentes de allo esmigallados, o sal, o viño branco, o azafrán e o zume de limón. Ó seguinte día escórrese e resérvase. Dóuranse ben os anacos nunha tixola, xunto ca cebola, nunha mestura de aceite e manteiga, e colócase nunha cazola de barro botándolle por riba o prebe do adubo, así como o rustrido da cebola. Métese no forno, quecido con anterioridade,durante 50 minutos, rodeado de patacas talladas en anacos.